23 مارچ ، 2023 
پاکستان
حادثے کے بعد بس شاہراہ فیصل پر ترچھی ہو گئی جس سے مرکزی شاہراہ کے چاروں ٹریک آمدورفت کے لیے بند ہوگئے__فوٹو: جیو نیوز
بارش کے دوران پنک بس کو حادثہ، بس میں سوار خواتین محفوظ رہیں
23 مارچ ، 2023
کراچی میں شاہراہ فیصل پر بارش کے دوران پنک بس کو حادثہ پیش آیا جس میں خواتین محفوظ رہیں جب کہ حادثے کے نتیجے میں ٹریفک کی روانگی متاثر رہی۔
پولیس کے مطابق اولڈ سٹی ایریا کے علاقے میں میری ویڈر ٹاور سے ائیرپورٹ کی طرف جانے والی پنک بس تیز بارش کے دوران بے قابو ہوکر فوزیہ وہاب فلائی اوور کی فٹ پاتھ اور حفاظتی دیوار سے ٹکرا گئی۔
حادثے کے بعد بس شاہراہ فیصل پر ترچھی ہو گئی جس سے مرکزی شاہراہ کے چاروں ٹریک آمدورفت کے لیے بند ہوگئے۔
پولیس نے موقع پر پہنچ کر ٹریفک کو دوسری طرف ڈائیورٹ کردیا۔
پولیس کے مطابق اس حادثے میں بس کو جزوی نقصان پہنچا تاہم ہیوی مشینری کو منگوا کر بس کو سڑک سے ہٹا دیا گیا۔
