25 مارچ ، 2023 
پاکستان فٹ بال فیڈریشن کی نارملائزیشن کمیٹی کا اہم اجلاس
25 مارچ ، 2023
پاکستان فٹ بال فیڈریشن نارملائزیشن کمیٹی نے قومی فٹ بال کے معاملات کے جلد از جلد حل، فیفا اور اے ایف سی کی جانب سے دیے گئے ٹاسک کو مکمل کرکے ذمہ داریاں منتخب عہدیداروں کے حوالےکرنے کیلئے اہم بیٹھک کی۔
اس حوالے سے اجلاس لاہور کے مقامی ہوٹل میں ہوا جس کی صدارت نارملائزیشن کمیٹی کے چیئرمین ہارون احمد ملک نے کی۔
اس موقع پر کمیٹی ارکان محمد شاہد نیاز کھوکھر ، حارث عظمت اور دیگر بھی شامل تھے۔ اجلاس میں نارملائزیشن کمیٹی اور فٹبال کمیونٹی کے ارکان سے باتیں کرتے ہوئے ہارون ملک کا کہنا تھا کہ ہم پاکستانی فٹ بال کے دیرینہ مسائل کے حل کیلئے ذمہ دار اتھارٹی اور حکومتی ارکان سے مسلسل رابطے میں ہیں، ہماری کوشش اور خواہش یہی ہے کہ پہلی فرصت میں قومی فٹ بال کے مسائل حل کرکے انہیں باضابطہ ٹریک پر لاتے ہوئے اپنا کام ختم کریں اور فٹ بال کے قومی معاملات حقیقی نمائندوں کے حوالے کریں۔
اس موقع پر پی ایف ایف کے آئین کی روشنی میں آزادانہ اور شفاف انتخابات کا جلد از جلد انعقاد یقینی بنانے کیلئے تفصیلی بات چیت ہوئی۔ اتفاق رائے سے فیصلہ کیا گیا کہ اجلاس کے شرکا 30 مارچ تک اپنی سفارشات پی ایف ایف کو ارسال کریں گے جن کی روشنی میں مزید اقدامات اٹھائے جائیں گے۔
مزید خبریں :
سابق بھارتی کرکٹر کی طبیعت خراب، اسپتال میں داخل
2 گھنٹے پہلے
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
