عمران نیازی ہمیشہ شوشا اور لوگوں کے جذبات کو ابھارنے کیلئے جملے بازی کے ماہر رہے ہیں: وزیراعظم

وزیراعظم شہباز شریف کا کہنا ہے کہ عمران نیازی ہمیشہ سے شوشا، دکھاوے اور لوگوں کے جذبات کو ابھارنے کے لیے جملے بازی کے ماہر رہے ہیں۔

چئیرمین پی ٹی آئی عمران خان کو تنقید کا نشانہ بناتے ہوئے وزیراعظم شہباز شریف کا مزید کہنا تھا قوم عمران خان سے ان کے دور اقتدار میں وفاق اور صوبائی سطح پر بدترین کارکردگی پر سوال کرنے پر حق بجانب ہے۔

مینار پاکستان: عمران خان کا حکومت پر جلسہ ناکام کرنے کیلئے کارکنان کو اٹھانے کا الزام

پولیس نے جلسے کے باعث سکیورٹی کے سخت انتظامات کیے ہیں، مینار پاکستان اور اطراف کے علاقوں میں انٹرنیٹ سروس بند ہے

شہباز شریف کا کہنا تھا آج کے سیاسی، گورننس اور معاشی چیلنجز کی جڑیں عمران خان کے دور اقتدار کی ناکام پالیسیوں تک جاتی ہیں۔

یاد رہے کہ گزشتہ روز چیئرمین پاکستان تحریک انصاف عمران خان نے لاہور میں مینار پاکستان پر جلسہ کیا تھا جس میں انہوں نے حکومت کو کڑی تنقید کا نشانہ بنایا تھا۔