29 مارچ ، 2023 
حالیہ بارشوں سے گندم کا پیداواری ہدف 17 لاکھ ٹن کم ہوگیا
29 مارچ ، 2023
حالیہ بارشوں سے گندم کا پیداواری ہدف 17 لاکھ ٹن گرگیا، ہدف 28.37 ملین ٹن سے کم ہو کر 26.67 ملین ٹن پر آگیا۔
نیشنل فوڈ سکیورٹی کی رپورٹ کے مطابق بارشوں سے گندم کی زیر کاشت 7 لاکھ 24 ہزار ایکڑ سے زائد رقبے کونقصان ہوا، پنجاب میں گندم کے 4.3 فیصد خیبرپختونخوا میں 1.71 فیصدرقبے کانقصان ہوا۔
وزارت نیشنل فوڈسکیورٹی اینڈ ریسرچ کی ابتدائی رپورٹ کے مطابق پنجاب میں جہلم، ملتان، مظفر گڑھ، راجن پور، ٹوبہ ٹیک سنگھ، کوٹ ادو، پاک پتن، فیصل آباد، ننکانہ صاحب، شیخوپورہ، گوجرانوالہ اور حافظ آباد میں گندم کی فصل متاثر ہوئی۔
خیبر پختونخوا کے 17 اضلاع میں گندم کی فصل متاثر ہوئی، بلوچستان سے ابھی ڈیٹا آنا ہے تاہم بلوچستان میں 30سے 40فیصد نقصان کا اندازہ صرف جھل مگسی اور کوہلو سے ہے۔
سبی، نصیر آباد، صحبت پور ، زیارت ، قلات اور قلعہ سیف اللہ میں گندم کی فصل متاثر ہوئی۔
سندھ میں تاحال بارشوں سے کوئی نقصان رپورٹ نہیں کیاگیا۔ بارشوں سے گندم کے نقصانات کی حتمی رپورٹ آئندہ 10 روز تک آجائے گی۔
مزید خبریں :
پاکستان کی بیلاروس کو رکشے برآمدکرنےکی پیشکش
7 گھنٹے پہلے
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
