عمران خان کے فوکل پرسن اظہر مشوانی کی بازیابی کیلئے ہائیکورٹ میں درخواست دائر

چیئرمین پاکستان تحریک انصاف (پی ٹی آئی)  عمران خان کے  سوشل میڈیا فوکل پرسن اظہر مشوانی کی بازیابی کے لیے لاہور ہائی کورٹ میں درخواست دائر کردی گئی۔

ہائی کورٹ میں درخواست اظہر مشوانی کے بھائی مظہرالحسن نے دائرکی ہے۔

سوشل میڈیا فوکل پرسن اظہر مشوانی کو لاہور سے اغوا کیا گیا: عمران خان کا دعویٰ

اظہر مشوانی کو کہاں رکھا گیا پتا نہیں چل رہا ہے، آئی جی پنجاب اور دیگرافسران کی تصاویر انسانی حقوق کے اداروں کو بھیج رہا ہوں، اظہر مشوانی کو فوری رہا کیا جائے: عمران

 درخواست گزار کا کہنا ہےکہ اظہر مشوانی پی ٹی آئی سوشل میڈیا ٹیم کے رکن ہیں،23 مارچ کو اظہر مشوانی کو گھرکے باہر سے اغوا کیا گیا، اظہر مشوانی کے اغوا کا مقدمہ تھانہ گرین ٹاؤن میں درج کرایا گیا ہے۔

درخواست میں استدعا کی گئی ہےکہ پولیس کو اظہر مشوانی کو بازیاب کروا کر عدالت پیش کرنےکا حکم دیا جائے۔