31 مارچ ، 2023 
پاکستان
طالبات کے لیے گھنٹوں تک قمیص، ٹراؤزر اور سفید دوپٹہ لازمی قرار دیا گیا ہے، خلاف ورزی پر ایک ہزار روپے جرمانہ ادا کرنا ہو گا: اعلامیہ۔ فوٹو فائل
بے نظیر بھٹو ویمن یونیورسٹی پشاور میں طالبات کے جینز اور پاجامہ پہننے پر پابندی
31 مارچ ، 2023
پشاور: شہید بے نظیر بھٹو ویمن یونیورسٹی میں طالبات کے جینز اور پاجامہ پہننے پر پابندی عائد کر دی گئی۔
یونیورسٹی کی جانب سے جاری اعلامیے میں طالبات کے لیے گھنٹوں تک قمیص، ٹراؤزر اور سفید دوپٹہ لازمی قرار دیا گیا ہے۔ اس کے علاوہ تمام طالب علموں کے لیے اسٹوڈنٹ کارڈ بھی لازمی قرار دیا گیا ہے۔
اعلامیے میں کہا گیا ہے کہ خلاف ورزی پر ایک ہزار روپے جرمانہ ادا کرنا ہو گا۔
ترجمان شہید بے نظیر بھٹو وومن یونیورسٹی کا کہنا ہے کہ فیصلہ اپنی ثقافت کو فروغ دینے کے لیے کیا گیا ہے۔
