31 مارچ ، 2023 
بھارت ایشیا کپ نہ بھی کھیلے تو پاکستان کو کوئی فرق نہیں پڑے گا: نجم سیٹھی
31 مارچ ، 2023
ایشیا کپ کہاں ہوگا ؟ پاکستان میں یا کسی اور ملک میں ؟ تاحال فیصلہ نہیں ہوسکا ، لیکن پاکستان کرکٹ بورڈ (پی سی بی) منیجمنٹ کمیٹی کے سربراہ نجم سیٹھی کا کہنا ہے کہ بھارت ایشیا کپ نہ بھی کھیلے تو پاکستان کو کوئی فرق نہیں پڑے گا۔
پی سی بی کے اصولی اور سخت مؤقف کے بعد بھارتی بورڈ کمزور پڑتا جارہا ہے ، رواں برس ستمبر میں ہونے والے ایشیا کپ کا میزبان پاکستان ہے لیکن ایونٹ کہاں ہوگا ؟ کسی دوسرے تیسرے ملک میں یا پھر پاکستان ہی میں ؟ تاحال کوئی فیصلہ نہ ہوسکا۔
ایسے میں پی سی بی کے چیئرمین نجم سیٹھی کا یہ بیان سامنے آیا ہے کہ پی ایس ایل سے پی سی بی کو مالی استحکام ملا ہے لہٰذا بھارت کے ایشیا کپ نہ کھیلنے سے بھی انہیں مالی طور پر کوئی خاص فرق نہیں پڑے گا۔
میڈیا سے گفتگو میں نجم سیٹھی نے کہا کہ ماضی میں بھارت کے انکار کے باوجود ہم بھارت جاکر کھیلتے رہے ہیں لیکن اب صورتحال مختلف ہے لوگ پوچھتے ہیں بھارت کھیلنے نہیں آتا تو پاکستان ٹیم کیوں جاتی ہے؟ بھارت کا پاکستان آنا سیاسی مسئلہ ہے تو پاکستان کا بھی ہے۔
انہوں نے کہا کہ بھارت اگر ایشیا کپ کے میچز نیوٹرل مقام پر کھیلنا چاہتا ہے تو پھر پاکستان بھی بھارت میں ہونے والے ورلڈ کپ کے میچز نیوٹرل مقام پر کھیل سکتا ہے۔
مزید خبریں :
بابر اعظم نے ایک اور اعزاز اپنے نام کرلیا
9 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
