ملکی معاشی صورتحال سے غیر مطمئن پاکستانیوں کی شرح 73 فیصد پر پہنچ گئی
31 مارچ ، 2023
ملکی معاشی صورتحال سے غیر مطمئن پاکستانیوں کی شرح میں 4 فیصد کا اضافہ ہوا ہے۔
عوامی آراء جاننے کے حوالے سے معروف ادارے گیلپ پاکستان نے کنزیومر کانفیڈنس انڈیکس کا نیا سروے جاری کردیا۔ سروے کے مطابق ملکی معاشی صورتحال سے غیر مطمئن پاکستانیوں کی شرح 4 فیصد اضافے کے بعد شرح 73 فیصد پر پہنچ گئی۔
12 فیصد نے معاشی صورتِ حال پر اطمینان کا اظہار کیا۔
سروے میں مستقبل میں معیشت میں بہتری سے مایوس پاکستانیوں کی شرح بڑھی اور 48 فیصد نے اگلے 6 ماہ میں معاشی صورتحال مزید خراب ہونے کے خوف کا اظہار کیا۔
البتہ 24 فیصد افراد معیشت میں بہتری کے لیے پُرامید نظر آئے۔
