07 اپریل ، 2023 
کراچی: نجی ائیرلائن کی پرواز کا اے سی بند ہونے سے متعدد مسافروں کی طبیعت بگڑگئی
07 اپریل ، 2023
کراچی: نجی ائیرلائن کی کراچی سے اسلام آباد کی پرواز میں فنی خرابی کے باعث اے سی بند ہوگیا جس سے متعدد مسافروں کی طبیعت بگڑگئی۔
ذرائع کے مطابق ٹیکسی کےدوران طیارے میں فنی خرابی پیدا ہوئی، طیارے میں تکنیکی خرابی کے باعث اے سی بھی بندہوگیا۔
سول ایوی ایشن ذرائع کا کہنا ہےکہ ممکنہ طور پر طیارے کے انجن میں خرابی ہوئی، نجی ائیرلائن کی پرواز دوپہر 12 بجے شیڈول تھی،طیارےکا اے سی بند ہونے سے متعدد مسافروں کی طبیعت بگڑگئی، نجی ائیرلائن کی پرواز میں 160 سے زائد مسافر سوار تھے۔
ذرائع کے مطابق طیارےکوپش بیک کے دوران ہی انجن میں خرابی ہوئی ہے،کپتان نے انجن کو اسٹارٹ کیا تو انجن اسٹارٹ نہ ہوسکے۔
ترجمان نجی ائیرلائن کا کہنا ہےکہ طیارے میں اچانک تکنیکی خرابی پیدا ہوگئی جس کے باعث پرواز تاخیرکا شکار ہے۔
