09 اپریل ، 2023 
پاکستان
پوسٹ مارٹم رپورٹ میں بچی کو گلا دبا کر قتل کیے جانے کے انکشاف پر پولیس نے ملزم کو گرفتار کر لیا: پولیس
لاہور میں دل دہلا دینے والی واردات، باپ کے ہاتھوں معصوم بیٹی کا قتل
09 اپریل ، 2023
لاہور میں دل دہلا دینے والی انسانیت سوز واردات سامنے آئی ہے جس میں شفقت کا سائبان بننے کے بجائے باپ ہی معصوم بیٹی کا قاتل بن گیا۔
سفاک باپ نے تین سالہ بیٹی فاطمہ زہرہ کی جان لے لی، پولیس کے مطابق جناح اسپتال میں بچی کی موت کی اطلاع پر پولیس ٹیم وہاں پہنچی تو حالات مشکوک دکھائی دیے۔
بچی کے والد خرم شہزاد نے پوسٹ مارٹم کرانے سے انکار کر دیا، پوسٹ مارٹم رپورٹ میں بچی کو گلا دبا کر قتل کیے جانے کے انکشاف پر پولیس نے ملزم کو گرفتار کر لیا۔
ملزم خرم شہزاد نے اپنی بیٹی فاطمہ کو قتل کرنے کا اعتراف بھی کر لیا۔
