10 اپریل ، 2023 
امریکا: نیو جرسی کی مسجد میں نامعلوم شخص کا فجر کی نمازکے دوران امام پر چاقو سے حملہ
10 اپریل ، 2023
امریکی ریاست نیو جرسی کی مسجد میں فجر کی نمازکے دوران امام پر نامعلوم شخص نے چاقو سے حملہ کر دیا۔
غیر ملکی میڈیا رپورٹس کے مطابق چاقو کے حملے کے نتیجے میں امام مسجد زخمی ہوگئے ۔
میڈیا رپورٹس میں بتایا گیا ہے کہ چاقو حملے کے وقت مسجد میں دو سو کے قریب نمازی موجود تھے۔
رپورٹس کے مطابق امام مسجد کی حالت اب خطرے سے باہر ہے جبکہ پولیس نے حملہ آور کو گرفتار کرلیا ہے ، البتہ اس کی شناخت ظاہر نہیں کی گئی ۔
دوسری جانب کینیڈا کے شہر مارکھم میں مسجد کےاحاطے میں گاڑی سے نمازی کو کچلنے کی کوشش کی گئی۔
رپورٹس کے مطابق 28 سال کے ملزم شیرن کیرونا کیرن کو ٹورنٹو سے گرفتار کرکے اس پر نفرت انگیز جرم کا الزام عائد کیا گیا ہے۔
رپورٹس کے مطابق کینیڈا کی وفاقی اورصوبائی حکومت نے واقعے کی مذمت کی ہے ۔
