سینیٹ: تمام اسمبلیوں کے انتخابات ایک دن میں کرانےکی قرارداد منظور

اسلام آباد: سینیٹ نے  تمام اسمبلیوں کے انتخابات ایک دن میں کرانےکی قرارداد منظور کرلی۔

تمام اسمبلیوں کے انتخابات ایک دن میں کرانےکی قرارداد سینیٹر طاہربزنجو نے پیش کی جس میں کہا گیا ہےکہ معاشی استحکام کے لیے سیاسی استحکام ضروری ہے، آئین کے تحت تمام اسمبلیوں کے انتخابات، نگران سیٹ اپ میں اکٹھے ہوں۔

قرارداد کے متن میں کہا گیا ہےکہ پنجاب میں علیحدہ دن پرانتخاب ،عام انتخابات کا نتیجہ متاثرکرےگا، اس سے وفاق میں چھوٹے صوبوں کا کردار متاثر ہوگا لہٰذا قومی اور صوبائی اسمبلی کے انتخابات ایک ہی روز کرائیں۔

سینیٹ میں اظہار خیال کرتے ہوئے سینیٹر طاہر بزنجو نے کہا کہ سیاسی قیادت اور شراکت دار کو ذمہ داری کا مظاہرہ کرنا چاہیے، باہمی مشاورت سے جتنی جلدی ہو الیکشن تاریخ کا اعلان کریں۔

وزیر خزانہ اسحاق ڈار نے الیکشن اخراجات بل قومی اسمبلی میں پیش کردیا

ہم معاشی استحکام سے ترقی کی طرف چل پڑے ہیں ، کوشش ہے ہاکستان کو دوبارہ ترقی کی راہ پر گامزن کریں: وزیر خزانہ

وفاقی کابینہ نے پنجاب الیکشن کیلئے فنڈز کا معاملہ پارلیمنٹ کو بھیجنے کی منظوری دیدی

الیکشن کمیشن کو فنڈز دینےکامعاملہ پارلیمنٹ کو ریفر کردیا ہے، یہ معاملہ بل کی صورت میں پارلیمنٹ میں آئے گا: وزیر قانون