11 اپریل ، 2023 
'30 اپریل کو قتل کردونگا'، سلمان خان کو جان سے مارنے کی ایک اور دھمکی
11 اپریل ، 2023
بالی وڈ اداکار سلمان خان کے لیے ایک اور دھمکی آمیز فون کال ممبئی پولیس کو موصول ہوئی جس میں نامعلوم شخص نے اداکار کو جلد قتل کرنے کی دھمکی دی ۔
بھارتی نیوز ایجنسی کے مطابق گزشتہ روز ممبئی کے مین پولیس کنٹرول روم میں پولیس کو کال موصول ہوئی جس میں ایک شخص نے کہا کہ وہ سلمان خان کو 30 اپریل کو قتل کر دے گا۔
رپورٹ کے مطابق اس فون کال کے فوری بعد پولیس نے تحقیقات کا آغاز کردیا اور نمبر کی جگہ پتا لگانے کی کوششیں شروع کردیں، پولیس نے تکنیکی مدد سے فون کال کی جگہ کا پتا لگالیا جس کے مطابق کال ممبئی سے 70 کلومیٹر دور کے علاقے سے کی گئی تھی۔
بھارتی پولیس کے مطابق علاقے میں کارروائی کرکے معلوم ہوا کہ کال 16 سالہ لڑکے نے کی تھی جسے حراست میں لے لیا گیا ہے، لڑکے کا تعلق راجستھان کے شہر جودھپور سے ہے، مزید قانونی کارروائی اور لڑکے کا ارادہ جاننے کے لیے تفتیش جاری ہے۔
بھارتی میڈیا کے مطابق سلمان خان کو گزشتہ ماہ ا ی میل کے ذریعے بھی قتل کی دھمکی دی گئی تھی جس کے بعد ان کی سکیورٹی بڑھا دی گئی تھی۔
مزید خبریں :
سدھو موسے والا کے والدین نے اپنے چھوٹے بیٹے کا چہرا دکھا دیا
08 نومبر ، 2024
وہ کریں جو آپ کی بیگم کہتی ہے: فلک شبیر کا شوہروں کو مشورہ
08 نومبر ، 2024
ارجن سے رشتہ ختم ہونے کے بعد ملائیکہ کی انسٹاگرام اسٹوری وائرل
08 نومبر ، 2024
سلمان کے بعد شاہ رخ خان کو بھی جان سے مارنےکی دھمکی
07 نومبر ، 2024
