12 اپریل ، 2023 
'میرے ناخن ختم ہوگئے'، سنسنی خیز فتح کے بعد روہت شرما کی گراؤنڈ میں اہلیہ سے ویڈیو کال وائرل
12 اپریل ، 2023
انڈین پریمیئر لیگ (آئی پی ایل) میں ممبئی انڈینز کے کپتان روہت شرما کی گراؤنڈ میں اپنی اہلیہ سے کی جانے والی ویڈیو کال سوشل میڈیا پر وائرل ہورہی ہے جسے صارفین نے خوبصورت قرار دیا۔
گزشتہ روز آئی پی ایل میں ممبئی انڈینز اور دہلی کیپیٹلز کے درمیان سنسنی خیز مقابلہ ہوا جس میں دہلی کیپیٹلز پہلے بیٹنگ کرتے ہوئے 19.4 اوورز میں 172 رنز بناکر آل آؤٹ ہوگئی۔
جواب میں ممبئی انڈینز نے ہدف آخری گیند پر حاصل کیا اور ٹیم 6 وکٹس سے کامیاب رہی، میچ میں کپتان روہت شرما نے 45 گیندوں پر 65 رنز اسکور کیے اور مین آف دی میچ قرار پائے۔
مقابلے کے بعد گراؤنڈ میں ہی روہت نے اپنی اہلیہ ریتیکا سے ویڈیو کال کی جس میں ان کی اہلیہ نے کہا بیٹی سمائرا (سیمی) مین آف دی میچ کی ٹرافی دیکھ کر بے حد خوش ہوگی جس پر روہت نے کہا وہ بیٹنگ دیکھ کر خوش نہیں ہوئی؟
روہت نے کہا میں یہ ٹرافی اسی کے لیے لاؤں گا، ریتیکا نے کہا میں نے میچ ہمارے کمرے میں دیکھا، میں زور سے چیخ رہی تھی، میری آواز بالکل ختم ہوچکی ہے۔
کرکٹر نے کہا آخری اوور میں میں اندر چلا گیا تھا، مجھ سے آخری اوور نہیں دیکھا جانا تھا، میرے ناخن چبا چبا کر تقریباً ختم ہوچکے ہیں، میں اس گیم کا حصہ تھا، آئی پی ایل کے ان 15 سالوں میں میں نے اس قسم کے گیم بہت کھیلے ہیں۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
