13 اپریل ، 2023 
ایپل نے بھارت میں آئی فونز کی پروڈکشن میں 3 گنا اضافہ کر دیا
13 اپریل ، 2023
ایپل کی جانب سے کافی عرصے سے بھارت میں آئی فونز کی پروڈکشن کی جارہی ہے مگر اب وہاں ڈیوائسز کی پروڈکشن میں نمایاں اضافہ ہوا ہے۔
بلومبرگ کی ایک رپورٹ کے مطابق گزشتہ مالی سال کے دوران ایپل نے 9.3 ارب ڈالرز مالیت کے آئی فون بھارت میں تیار کیے۔
مجموعی طور پر ایپل نے بھارت میں آئی فونز کی پروڈکشن میں 3 گنا زیادہ اضافہ کیا ہے۔
رپورٹ میں مزید بتایا گیا کہ مارچ 2023 میں ختم ہونے والے مالی سال کے دوران ایپل نے بھارت سے 5 ارب ڈالرز سے زائد آئی فونز دیگر ممالک میں برآمد کیے جو 2021 کے مقابلے میں 4 گنا زیادہ تھے۔
رپورٹ میں بتایا گیا کہ ایپل نے 2022 میں عالمی سطح پر تیار ہونے والے لگ بھگ 7 فیصد آئی فونز کی پروڈکشن بھارت میں ہوئی۔
اس سے قبل 2021 میں آئی فونز کی محض ایک فیصد پروڈکشن بھارت میں ہوئی تھی۔
رپورٹ میں مزید بتایا گیا کہ ایپل کی جانب سے آئی فون 15 سیریز کو چین کے ساتھ ساتھ بھارت میں بھی تیار کرنے کی کوشش کی جائے گی۔
اگر ایسا ہوا تو یہ پہلی بار ہوگا جب نئے آئی فونز کی پروڈکشن بیک وقت 2 ممالک میں ہوں گی۔
ایپل کی جانب سے یہ فیصلہ اس وقت کیا گیا ہے جب بیجنگ اور واشنگٹن کے درمیان کشیدگی بڑھ رہی ہے۔
مزید خبریں :
تھریڈز میں نئے سرچ ٹول کا اضافہ
8 گھنٹے پہلے
2024 میں وکی پیڈیا پر دنیا بھر میں لوگ کیا پڑھتے رہے؟
03 دسمبر ، 2024
جی میل میں ایک دلچسپ فیچر صارفین کے لیے متعارف
02 دسمبر ، 2024
