16 اپریل ، 2023 
الیکشن فنڈز کا معاملہ: قائمہ کمیٹی خزانہ کا اجلاس طلب، گورنر اسٹیٹ بینک کو بھی بلالیا
16 اپریل ، 2023
سپریم کورٹ کی ہدایت پر پنجاب میں الیکشن کیلئے فنڈز کی فراہمی کا جائزہ لینے کیلئے قومی اسمبلی کی قائمہ کمیٹی برائے خزانہ کا خصوسی اجلاس کل طلب کر لیا گیا۔
اسمبلی سیکرٹریٹ کی جانب سے جاری اعلامیے کے مطابق رکن قومی اسمبلی قیصر شیخ کی زیر صدارت اجلاس میں سپریم کورٹ کی طرف پنجاب میں الیکشن کروانے کیلئے اسٹیٹ بینک کو فنڈز جاری احکامات کا قانونی جائزہ لیا جائے گا۔
اٹارنی جنرل، گورنر اسٹیٹ بینک اور آڈیٹر جنرل کو خصوصی طور پر اجلاس میں شرکت کی دعوت دی گئی ہے۔ اس کے علاوہ وزیر تجارت سید نوید قمر کو بھی دعوت نامہ جاری کر دیا گیا ہے۔
قومی اسمبلی کی پیشگی منظوری کے بغیر فنڈز کے اجرا کی ہدایات پر سفارشات مرتب کی جائیں گی۔
خیال رہے کہ گزشتہ دنوں سپریم کورٹ کے 3 رکنی بینچ نے اسٹیٹ بینک کو پنجاب میں انتخابات کیلئے 21 ارب روپے جاری کرنے کا حکم دیا تھا۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
7 گھنٹے پہلے
کیا پیراتھائرائیڈکا علاج پاکستان میں ممکن ہے؟
9 گھنٹے پہلے
