22 اپریل ، 2023 
پاکستان
ایک ہتھنی کراچی چڑیا گھر اور دوسری لاہور چڑیا گھر کو دی جائے گی:یاسین جوئیہ__فوٹو: سوشل میڈیا
نور جہاں کی موت کے بعد سری لنکا پاکستان کو دو ہتھنیاں تحفے میں دے گا
22 اپریل ، 2023
سری لنکا کے اعزازی قونصل جنرل یاسین جوئیہ نے کراچی کے چڑیا گھر میں کئی عرصے سے علیل ہتھنی نور جہاں کی موت پر دکھ کا اظہار کیا ہے۔
لاہور میں جیو نیوز سے خصوصی گفتگو میں یاسین جوئیہ نے کہا کہ سری لنکا دو ہتھنیاں پاکستان کو تحفے میں دے گا۔
انہوں نے کہا کہ ایک ہتھنی کراچی چڑیا گھر اور دوسری لاہور چڑیا گھر کو دی جائے گی۔
یاسین جوئیہ نے کہا کہ لاہور کے چڑیا گھر میں سوزی کے مرجانے کے بعد اب کوئی ہتھنی نہیں ہے۔
واضح رہے کہ نور جہاں 22 اپریل بروز ہفتے کی صبح دم توڑ گئی جس کی تصدیق چڑیا گھر انتظامیہ نے کی۔
