پلوامہ حملے پر ستیا پال ملک کے انکشافات پر بھارتی حکومت کا پہلا ردعمل آگیا
23 اپریل ، 2023
پلوامہ حملے پر سابق گورنر مقبوضہ کشمیر ستیا پال ملک کے انکشافات پر بھارتی حکومت کا پہلا رد عمل سامنے آگیا ہے۔
بھارتی میڈیا کے مطابق بھارتی وزیر داخلہ امیت شاہ نے کہا ہے کہ بی جے پی حکومت نے ایسا کچھ نہیں کیا جسے چھپانے کی ضرورت ہو۔
مقبوضہ جموں و کشمیر کے سابق گورنر ستیا پال نے ایک انٹرویو میں فروری 2019 میں پلوامہ حملے کو مودی کا ڈرامہ قرار دیا تھا اور کہا تھا کہ مودی حکومت کو پلوامہ حملے کا پہلے سے علم تھا، مودی نے بھارتی فوجیوں کو بچانے کے بجائے مروایا اور ملبہ پاکستان پر ڈال دیا۔
اس انٹرویو کے بعد ستیا پال ملک کو ہندو انتہا پسندوں کی جانب سے شدید تنقید کا نشانہ بنایا جا رہا ہے اور بھارت کی تحقیقاتی ایجنسی سی بی آئی نے ستیا پال ملک کو ریلائنس انشورنس فراڈ کیس میں طلب کر لیا ہے۔
