سگریٹ نوشی منشیات کے استعمال کی پہلی سیڑھی ہے: آئی جی پنجاب
24 اپریل ، 2023
آئی جی پنجاب ڈاکٹر عثمان انور نےکہا ہے کہ سگریٹ نوشی منشیات کے استعمال کی پہلی سیڑھی ہے اور جب بچے تمباکو نوشی کی طرف راغب ہوں تو والدین کو چاہیے کہ انہیں سختی سے روکیں۔
ایک بیان میں آئی جی پنجاب ڈاکٹر عثمان انور کا کہنا تھا کہ بچہ تیز ڈرائیونگ کرے، اونچی آواز میں میوزک سنے تو اس کی وجہ بھی منشیات ہوسکتی ہے۔
انہوں نےکہا کہ بچوں کو منشیات سے محفوظ رکھنے کے لیے تعلیمی اداروں اور ہاسٹلز کے اطراف میں انٹیلی جنس بیسڈ آپریشنز جاری ہیں اور ان آپریشنز کے نتیجے میں 6 ہزار کلو چرس، 200کلو ہیروئن اور ڈرگ آئس برآمد کر چکے ہیں۔
ڈاکٹر عثمان انور نے کہا کہ سگریٹ نوشی منشیات کے استعمال کی پہلی سیڑھی ہے، والدین بچوں کو تمباکو نوشی کی طرف راغب ہونے سے روکنے کے لیے اقدامات کریں۔
