محمد رضوان نے ایک اور سنگ میل عبور کر لیا

قومی ٹیم کے وکٹ کیپر بیٹر محمد رضوان نے ٹی ٹوئنٹی کرکٹ میں ایک اور سنگ میل عبور کر لیا۔

محمد رضوان نے سال 2023 میں بھی ایک ہزار ٹی ٹوئنٹی رنز مکمل کر لیے ہیں اور قومی وکٹ کیپر بیٹر رواں برس ایک ہزار رنز مکمل کرنے والے پہلے بیٹر ہیں۔

محمد رضوان نے مسلسل تیسرے کیلنڈر سال میں ہزار رنز بنائے ہیں، وکٹ کیپر بیٹر نے اس سال پاکستان کے علاوہ ملتان سلطانز اور کومیلہ وکٹوریئنز کی نمائندگی کی۔ 

پانچواں ٹی ٹوئنٹی: رضوان کی دھواں دھار اننگز، پاکستان کا نیوزی لینڈ کو 194 رنز کا ہدف

رضوان 98 رنز بنا کر ناٹ آؤٹ رہے جبکہ افتخار احمد نے 36 اور عماد وسیم نے 31 رنز کی اننگز کھیلیں

محمد رضوان نے گزشتہ سال 1817 اور 2021 میں 2036 رنز بنائے تھے۔

خیال رہے کہ پاکستان نے پانچویں اور آخری ٹی ٹوئنٹی میچ میں رضوان کے شاندار 98 رنز کی بدولت نیوزی لینڈ کو جیت کے لیے 194 رنز کا ہدف دیا ہے۔