26 اپریل ، 2023 
پاکستان
فوٹو: فائل
بیوروکریسی الیکشن کرانے میں رکاوٹ بن رہی ہے: نگران وزیر خیبر پختونخوا
26 اپریل ، 2023
خیبر پختونخوا کے نگران وزیر ٹرانسپورٹ شاہد خٹک کا کہنا ہےکہ صوبے کی بیوروکریسی اور مختلف ڈیپارٹمنٹس میں شامل پی ٹی آئی کے لوگ الیکشن کرانے میں رکاوٹ بن رہے ہیں۔
جیو نیوز سےگفتگو کرتے ہوئے وزیر ٹرانسپورٹ شاہد خٹک کا کہنا تھا کہ آئین کے مطابق نگران حکومت کا وقت پورا ہوچکا ہے، سپریم کورٹ، الیکشن کمیشن اور پارٹی سربراہان ہی اب فیصلہ کریں گے۔
شاہد خٹک کا کہنا تھا کہ خیبرپختونخوا کی بیوروکریسی اور مختلف ڈیپارٹمنٹس میں شامل پی ٹی آئی کے لوگ الیکشن کرانے میں رکاوٹ بن رہے ہیں، کوشش ہےکہ وزیراعظم، سپریم کورٹ اور الیکشن کمیشن سے اختیار ملتے ہی بیورو کریسی میں دوسرے لوگ لائیں اور تمام پارٹیوں کے ساتھ مشاورت کے بعد پھر ہم الیکشن کرائیں۔
