27 اپریل ، 2023 
پاکستان کے روسی تیل کی خریداری پر کوئی اعتراض نہیں، امریکا
27 اپریل ، 2023
امریکا کا کہنا ہے کہ پاکستان کے روسی تیل کی خریداری پر کوئی اعتراض نہیں ہے۔
غیر ملکی میڈیا رپورٹس کے مطابق امریکی وزارت خارجہ کے ترجمان نے واشنگٹن میں بریفنگ دیتے ہوئے کہا ہے کہ پاکستان کے روسی تیل کی خریداری پر اعتراض نہیں، ہر ملک اپنی ضروریات کے مطابق فیصلے کا حق رکھتا ہے۔
ترجمان امریکی وزارت خارجہ کا کہنا ہے کہ ہماری کوشش رہی کہ روسی تیل کو عالمی منڈی سے باہر نہ رکھا جائے، سمجھتے ہیں کہ باقی دنیا میں روسی تیل کی مانگ موجود ہے۔
انہوں نے مزید کہا کہ اسی مقصد کے لیے عالمی سطح پر قیمت کا تعین کیا گیا، ہم نہیں چاہتے کہ روس اس رقم کو جنگ میں جھونکے۔
واضح رہے کہ روس سے خام تیل کا جہاز 24 مئی تک پاکستان پہنچنےکا امکان ہے۔
ذرائع وزارت توانائی کا کہنا ہےکہ خام تیل کتنا سستا پڑےگا کچھ بھی کہنا قبل ازوقت ہے، ابھی روس سے صرف ٹیسٹنگ کے لیےکارگو آئےگا۔
مزید خبریں :
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
نائجیریا: اسکول کے میلے میں بھگدڑ مچنے سے 35 بچے جاں بحق
19 دسمبر ، 2024
حوثیوں نے تل ابیب پر ہائپرسونک میزائل داغنے کی ویڈیو جاری کردی
19 دسمبر ، 2024
