28 اپریل ، 2023 
کپل شرما نے مجھے خود بتایا انہوں نے کامیڈی نسیم وکی سے سیکھی: علی ظفر
28 اپریل ، 2023
عالمی شہرت یافتہ گلوکار علی ظفر نے انکشاف کیا ہے کہ انہیں بھارتی کامیڈین کپل شرما نے خود بتایا تھا کہ انہوں نے کامیڈی نسیم وکی سے سیکھی ہے۔
حال ہی میں نجی میڈیا کو دیے گئے انٹرویو کے دوران علی ظفر نے بتایا کہ جب وہ بھارت میں کپل شرما شو میں گئے تو اس دوران اسٹیج کے پیچھے کپل شرما نے مجھے بتایا کہ میں نے کامیڈی نسیم وکی سے سیکھی ہے۔
اس سے قبل نسیم وکی بھی ایک پوڈ کاسٹ کے دوران کپل شرما کی تعریف کرچکے ہیں۔
بھارتی کامیڈی شو 'دی کپل شرما شو' سمیت کئی کامیڈی شوز میں اداکاری کرنے والے عالمی شہرت یافتہ نسیم وکی کا کہنا تھا کہ پاکستان میں کپل شرما کی ٹکر کا کوئی کامیڈین نہیں ہے۔
نسیم نے کپل سے پہلی ملاقات کے حوالے سے بتایا تھا کہ 'کپل میرا چھوٹا بھائی ہے اور وہ مجھ سے بہت محبت کرتا ہے، جب اس کا شو بنا تو وہ مجھ سے ملنے آیا اور مجھے کھانے کی دعوت دی، میں اس کے ساتھ کھانا کھانے گیا، اس ملاقات میں کپل نے کہا تھا کہ میں آپ کے درشن کرنے آیا ہوں'۔
نسیم وکی نے کہا تھا'بعدازاں میں اس کے شو کا حصہ بنا، کئی بار اسکرپٹ بھی لکھا، ہماری کئی میٹنگز ہوتی رہیں'۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
