30 اپریل ، 2023 
بھارت: گائے کے ہاں شیر سے مشابہ بچھڑے کی پیدائش
30 اپریل ، 2023
قدرت کئی بار انسان کو ایسے معجزے دکھاتی ہے جنہیں دیکھ کر سائنس بھی دنگ رہ جاتی ہے۔
بھارتی ریاست مدھیہ پردیش میں حال ہی میں ایک ایسا عجیب و غریب واقعہ پیش آیا جہاں گائے نے ایک ایسے بچھڑے کو جنم دیا جو شیر کے بچے سے مماثلت رکھتا ہے۔ عجیب وغریب بچھڑا پیدائش کے 30 منٹ بعد ہی انتقال کرگیا تاہم اس واقعے نے لوگوں کو حیرت میں مبتلا کردیا۔
بھارتی میڈیا کے مطابق اس عجیب وغریب بچھڑےکی پیدائش ضلع رائسن میں نتھولال شلپکار نامی کسان کے باڑے پر ہوئی جس کی خبر پھیلتے ہی دور دراز گاؤں سے لوگوں کی بڑی تعداد اسے دیکھنے پہنچ گئی۔
عجیب وغریب بچھڑےکی پیدائش سے متعلق ویٹرنری ڈیپارٹمنٹ کا کہنا ہے کہ شیر کے بچے سے مشابہ بچھڑے کی پیدائش گائے کے بچہ دانی میں خرابی کا نتیجہ ہے، اگرچہ بچھڑا ابتدائی طور پر صحت مند تھا لیکن پیدائش کے30 منٹ کے اندر ہی انتقال کرگیا۔
بھارت میں جانوروں کے ڈاکٹر این کے تیواری نے بتایا کہ گائے کے حمل میں خرابی کی وجہ سے ایسے بچھڑے کی پیدائش ہوئی جو کہ شیر کے بچے سے مماثل تھا، ایسے مسائل جین کی صحیح نشوونما نہ ہونے کی وجہ سے سامنے آتے ہیں۔
مزید خبریں :
ان طوطوں نے اپنی عقل سے سائنسدانوں کو دنگ کر دیا
10 گھنٹے پہلے
چاند سے زمین کے طلوع ہونے کا دنگ کر دینے والا نظارہ
05 جون ، 2025
جاپانی مرد ہمیشہ جوان رہنے کیلئے کیا کرتے ہیں؟
03 جون ، 2025
ویڈیو: قربانی کا بکرا چھت سے گائے پر آگرا
03 جون ، 2025
