02 مئی ، 2023 
دنیا
اسلامی جہاد نامی تنظیم سے منسلک قیدی خضرعدنان کی شہادت پر فلسطین کے مزاحمتی گروپوں نے عام ہڑتال کا اعلان کر دیا—فوٹو: رائٹرز
اسرائیلی جیل میں ستاسی روز بھوک ہڑتال کرنے والے فلسطینی قیدی انتقال کرگئے
02 مئی ، 2023
اسرائیلی جیل میں بھوک ہڑتال کرنے والے فلسطینی قیدی خضر عدنان انتقال کر گئے۔
خبر ایجنسی کے مطابق اسرائیلی جیل میں فلسطینی قیدی خضرعدنان گزشتہ 87 روز سے بھوک ہڑتال پر تھے۔
اسرائیلی جیل حکام کا کہنا تھاکہ منگل کی صبح خضرعدنان اپنے سیل میں بے ہوش پائے گئے، انہوں نے ٹیسٹ اور علاج کروانے سے انکار کر دیا تھا۔
عرب میڈیا کے مطابق شہید خضرعدنان کا تعلق فلسطینی گروپ اسلامی جہاد سے تھا، ان کی شہادت پر فلسطین کے مزاحمتی گروپوں نے عام ہڑتال کا اعلان کر دیا ہے۔
عرب میڈیا کا کہنا ہے کہ غزہ پٹی سے اسرائیلی علاقوں پر 20 سے زائد راکٹ فائر کیے گئے ہیں، راکٹ حملہ خضرعدنان کی شہادت کا ردعمل ہوسکتا ہے۔
