04 مئی ، 2023
وزیر خارجہ بلاول بھٹو زرداری کے دورہ بھارت میں آج کی مصروفیات سامنے آگئیں۔
وزیر خارجہ بلاول بھٹو زرداری شنگھائی تعاون تنظیم کے اجلاس میں شرکت کے لیے بھارت کے شہر گوا پہنچے ہیں، وزارت خارجہ کا اعلیٰ سطح کا وفد بھی وزیر خارجہ بلاول بھٹو زرداری کے ہمراہ ہے۔
ذرائع وزارت خارجہ کے مطابق بلاول بھٹو اور روسی وزیرخارجہ کی ملاقات آج شام ساڑھے 6 بجے ہوگی جب کہ بلاول بھٹو اور بھارتی ہم منصب شنگھائی تعاون تنظیم کے وزرائے خارجہ کے عشائیے میں ملیں گے، شنگھائی تعاون تنظیم کے وزرائے خارجہ کے اعزاز میں عشائیہ رات نوبجےدیا جائےگا۔
ذرائع کے مطابق بلاول بھٹو کی شنگھائی تعاون تنظیم کے دیگر وزرائے خارجہ سے ملاقات بھی عشائیے پر ہوگی۔
ذرائع کا کہنا ہےکہ وزیرخارجہ بلاول بھٹو شنگھائی تعاون تنظیم کے سیکرٹری جنرل سے رات 9 بجے ملیں گے۔
ذرائع کے مطابق بلاول بھٹو سےازبکستان کے وزیرخارجہ کی رات ساڑھے 9 بجے ملاقات ہوگی۔