10 مئی ، 2023 
پاکستان
دہشتگرد پاک چائنا شپ یارڈ میں مقیم غیر ملکیوں کو نشانہ بنانا چاہتا تھا: پولیس/ فائل فوٹو
کراچی: پولیس نے غیر ملکیوں پر حملے کی کوشش ناکام بنادی، دہشتگرد ہلاک
10 مئی ، 2023
کراچی: ملیر میں پولیس نے غیر ملکیوں پر حملے کی کوشش ناکام بناتے ہوئے ایک دہشتگرد کو ہلاک کردیا۔
ایس ایس پی ملیر حسن سردار کے مطابق دہشتگرد پاک چائنا شپ یارڈ میں مقیم غیر ملکیوں کو نشانہ بنانا چاہتا تھا تاہم پہلے سے بھی خفیہ اطلاع پر پولیس یارڈ کے اطراف تعینات تھی۔
پولیس حکام کا کہنا ہے کہ فائرنگ کے تبادلے میں ایک پولیس اہلکار بھی زخمی ہوا جب کہ ہلاک دہشتگرد ممکنہ طور پر خودکش حملہ آور معلوم ہوتا ہے جس نے بیلٹ پہنی ہوئی ہے۔
ایس ایس پی ملیر نے مزید بتایا کہ پولیس نے دہشتگرد کے قبضے سے کلاشنکوف برآمد کرلی جب کہ بارود کی اطلاع پر بی ڈی ایس کو طلب کرلیا گیا ہے۔
