10 مئی ، 2023 
واٹس ایپ کو اب اسمارٹ واچز پر استعمال کرنا بھی ممکن ہوگا
10 مئی ، 2023
واٹس ایپ کو ابھی اسمارٹ فون، ٹیبلیٹ اور کمپیوٹر پر استعمال کیا جا سکتا ہے۔
مگر اب اسمارٹ واچ استعمال کرنے والے بھی میٹا کی زیر ملکیت ایپ کو استعمال کر سکیں گے۔
9 ٹو 5 گوگل کی رپورٹ کے مطابق واٹس ایپ کی جانب سے اینڈرائیڈ صارفین کے لیے اسمارٹ واچز کے آپریٹنگ سسٹم ویئر او ایس کے لیے آفیشل ایپ تیار کی گئی ہے، جو فی الحال بیٹا (beta) مرحلے میں ہے۔
اس ایپ سے صارفین کو اسمارٹ واچ سے ٹیکسٹ اور وائس میسجز بھیجنے کی سہولت فراہم کی جائے گی۔
آغاز میں پکسل واچ اور گلیکسی واچ 5 کے صارفین اپنی ڈیوائسز پر واٹس ایپ کو استعمال کر سکیں گے۔
ابھی وئیر او ایس صارفین نوٹیفکیشن کے ذریعے واٹس ایپ میسجز پر ردعل ظاہر کر سکتے ہیں مگر ان کے لیے میسجز بھیجنا ممکن نہیں ہوتا۔
وئیر او ایس ایپ میں صارفین حالیہ چیٹس اور ہسٹری کو تلاش کر سکیں گے جبکہ ٹیکسٹ یا وائس میسجز بھیج سکیں گے۔
اسمارٹ واچ پر اس ایپ میں اکاؤنٹ کو چلانے کے لیے ڈیوائس پر 8 ہندسوں پر مشتمل ایک کوڈ کا اندراج کرنا ہوگا۔
یہ بھی واٹس ایپ کے متعدد ڈیوائسز کی سپورٹ فراہم کرنے والے فیچر کا حصہ ہے اور اسمارٹ واچ پر تمام میسجز کو اینڈ ٹو اینڈ انکرپشن کا تحفظ حاصل ہوگا۔
جیسا اوپر درج کیا جا چکا ہے کہ فی الحال اس ایپ کا استعمال بیٹا صارفین کے لیے ممکن ہے تو دیگر افراد کو کچھ عرصے تک انتظار کرنا ہوگا۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
