11 مئی ، 2023 
کھیل
آئی سی سی کرکٹ ورلڈکپ کوالیفائر زمبابوے میں 18 جون سے 9 جولائی تک کھیلا جائے گا/ فائل فوٹو
ورلڈکپ کوالیفائر کی تیاری ، ویسٹ انڈیز یو اے ای کیخلاف 3 ون ڈےکھیلے گی
11 مئی ، 2023
ویسٹ انڈیز کرکٹ کا کہنا ہے کہ ان کی ٹیم شارجہ میں یواے ای کے خلاف تین ون ڈے میچز کھیلے گی۔
ویسٹ انڈیز کرکٹ نے یو ا ے ای کے خلاف میچ کھیلنے کی تصدیق کرتے ہوئے بتایاکہ یو اے ای کے خلاف ون ڈے میچز ورلڈکپ کوالیفائر کی تیاریوں کا حصہ ہیں، شارجہ میں یو اے ای کے خلاف تین ون ڈے میچز کھیلے جائیں گے۔
کرکٹ ویسٹ انڈیز کا کہنا ہے کہ ون ڈے میچز 5، 7 اور 9 جون کو کھیلے جائیں گے جب کہ تینوں ون ڈے میچز شارجہ میں ڈے اینڈ نائٹ ہوں گے۔
آئی سی سی کرکٹ ورلڈکپ کوالیفائر زمبابوے میں 18 جون سے 9 جولائی تک کھیلا جائے گا۔
