11 مئی ، 2023 
دنیا
اسرائیلی بمباری میں فلسطینی اسلامک جہاد موومنٹ کے کئی کمانڈرز بھی شہید ہوئے ہیں: خلیجی میڈیا/فوٹو رائٹرز
اسرائیل کی غزہ پر بمباری: شہید فلسطینیوں کی تعداد 27 ہوگئی، متعدد زخمی
11 مئی ، 2023
اسرائیل کی جانب سے غزہ پر وحشیانہ بمباری کا سلسلہ جاری ہے۔
خلیجی میڈیا کے مطابق اسرائیل کی جانب سے غزہ پر فضائی حملے کیے گئے جس کے نتیجے میں شہید ہونے والے فلسطینیوں کی تعداد 27 ہوگئی ہے جن میں 5 خواتین اور 5 بچے بھی شامل ہیں جب کہ حملوں میں 70 سے زائد فلسطینی زخمی ہوئے ہیں۔
اس کے علاوہ اسرائیلی بمباری میں فلسطینی اسلامک جہاد موومنٹ کے کئی کمانڈرز بھی شہید ہوئے ہیں۔
میڈیا رپورٹس کےمطابق اسرائیل کی جانب سے جمعرات کی صبح جہادی کمانڈرز کو نشانہ بنانے کے لیے ایک ہی مقام پر کئی راکٹ فائر کیے گئے۔
اس کے علاوہ مسلسل اسرائیلی فضائی حملوں کے نتیجے میں غزہ کی پٹی پر متعدد گھروں کو بھی نقصان پہنچا ہے۔
