تحریک انصاف کے رہنما علی محمد خان اور سینیٹر اعجاز چوہدری گرفتار

اسلام آباد : پاکستان تحریک انصاف (پی ٹی آئی) کے  رہنما علی محمد خان اور سینیٹر اعجاز چوہدری کو گرفتار کرلیا گیا۔

اسد عمر، شاہ محمود اور فواد چوہدری اڈیالہ جیل منتقل

پولیس نے پی ٹی آئی کے تینوں رہنماؤں کو گزشتہ روز نقص امن کے خطرات کی وجہ سے تھری ایم پی او کے تحت گرفتار کیا تھا۔

پولیس حکام کا کہنا ہے کہ علی محمد خان کو اسلام آباد سے گرفتار کیا گیا،  انہیں 3 ایم پی او کے تحت گرفتار کیا گیا ہے۔

علی محمد خان کو سپریم کورٹ آتے ہوئےگرفتار کیا گیا۔

پولیس کا کہنا ہے کہ سینیٹر اعجاز چوہدری کو گلگت بلتستان ہاؤس سے گرفتار کیا گیا، سینیٹر اعجاز چوہدری کو  بھی  3 ایم پی او کے تحت گرفتار کیا گیا۔ 

خیال رہے کہ اس سے قبل تحریک انصاف کے رہنما شاہ محمود قریشی، فواد چوہدری اور اسد عمر کو بھی نقص امن کے خطرے کے پیش نظر حراست میں لیا جا چکا ہے۔ ان رہنماؤں کو اڈیالہ جیل منتقل کیا جاچکا ہے۔