12 مئی ، 2023 
کھیل
پی سی بی جےشاہ سےبات چیت کرکےمعاملےکو حتمی شکل دینا چاہتا ہے : ذرائع/فوٹوفائل
ایشیاکپ تنازع : پی سی بی جلد فیصلے کیلئے جے شاہ سے بات چیت کا خواہش مند
12 مئی ، 2023
لاہور : ایشیاکپ 2023 کی میزبانی پر ہونے والے تنازع کے حل کیلئے پاکستان کرکٹ بورڈ نے سربراہ بھارتی کرکٹ بورڈ جے شاہ سے بات چیت کی خواہش کا اظہار کردیا۔
ذرائع کے مطابق پی سی بی ایشیاکپ کےمعاملے پر جلد فیصلےکاخواہش مند ہے جس کیلئے پی سی بی جے شاہ سے بات چیت کرکے معاملےکو حتمی شکل دینا چاہتا ہے۔
ذرائع کا کہنا ہے کہ چیئرمین پی سی بی مینجمنٹ کمیٹی نجم سیٹھی سری لنکااور بنگلا دیش سےبات چیت کریں گے جس میں وہ دونوں ممالک کے بورڈ کے تحفظات دور کریں گے۔
ذرائع کے مطابق دونوں بورڈز کو ہائبرڈ فارمولے اور یواے ای میں میچز پر اعتراضات ہیں جب کہ پی سی بی دونوں بورڈز کےعہدیداران کو قائل کرنےکی کوشش کرےگا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
