13 مئی ، 2023 
پاکستان اور سری لنکا کے درمیان ون ڈے میچز کے حوالے سے بات چیت
13 مئی ، 2023
پاکستان کرکٹ بورڈ (پی سی بی) اور سری لنکا کرکٹ کے درمیان ون ڈے میچز کے حوالے سے بات چیت ہوئی ہے۔
ذرائع کے مطابق دونوں بورڈز ورلڈ کپ کی وجہ سے ون ڈے میچز کھیلنے کے لیے بات چیت کر رہے ہیں۔
اس حوالے سے ذرائع کا کہنا ہے کہ اس معاملے پر دونوں بورڈز کے اعلیٰ عہدیداران کے درمیان ابتدائی بات ہوئی ہے۔
ذرائع کا یہ بھی کہنا ہے کہ پاکستان نے جولائی میں 2 ٹیسٹ میچز کی سیریز کے لیے سری لنکا کا دورہ کرنا ہے جو آئی سی سی ٹیسٹ چیمپئن شپ کے اگلے سائیکل کا حصہ ہے۔
ذرائع کے مطابق ٹیسٹ میچز کے ساتھ ون ڈے میچز کے بھی آپشن پر بات چیت ہوئی ہے، سیریز کے لیے ٹیسٹ چیمپئن شپ کے سائیکل کے دوران کوئی اور ونڈو دیکھنے کا آپشن ہے۔
ذرائع کا کہنا ہے کہ ٹیسٹ چیمپئن شپ کی وجہ سے دونوں بورڈز کے لیے ٹیسٹ سیریز اہمیت کی حامل ہے۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
