امارات نے شامی صدر کو کوپ 28 کانفرنس میں شرکت کی دعوت دے دی

متحدہ عرب امارات (یو اے ای) نے شامی صدر بشار الاسد کو اقوام متحدہ کے کوپ28 کلائمٹ سمٹ میں شرکت کیلئے باضابطہ دعوت دے دی۔

دمشق میں واقع یو اے ای کے سفارتخانے نے اپنے ٹوئٹر اکاؤنٹ سے بتایا کہ شامی صدر بشار الاسد نے یو اے ای کے صدر اور ابوظہبی کے حکمران شیخ محمد بن زید النیہیان کی جانب سے بھیجا گیا اقوام متحدہ کے کوپ 28 کلائمٹ سمٹ کا دعوت نامہ قبول کر لیا ہے۔

عرب لیگ تیاریوں کے اجلاس میں شرکت کیلئے شامی وفد سعودی عرب پہنچ گیا

عرب بھائیوں کو بتانے آئے ہیں کہ ہم ماضی کی طرف نہیں دیکھ رہے بلکہ ہماری نظریں مستقبل پر ہیں: شامی وزیر خارجہ

دوسری جانب کوپ28 کلائمٹ سمٹ کے ترجمان کا کہنا تھا کہ ہم اس مرتبہ انکلوسو کوپ  کرنے جا رہے ہیں جو مسائل کے قابل عمل حل تجویز کر سکے اور یہ صرف تب ہی ممکن ہوسکتا ہے جب سب ہی وہاں موجود ہوں۔

عرب میڈیا کے مطابق اگر شامی صدر اقوام متحدہ کے اس اجلاس میں شرکت کا فیصلہ کرتے ہیں تو 2011 کے بعد کسی عالمی سمٹ میں یہ ان کی پہلی شرکت ہوگی کیونکہ شام میں شدید خانہ جنگی اور سفارتی تعلقات میں تناؤ کے بعد ان کی حکومت پر بین الاقوامی پابندیاں عائد کی گئی تھیں۔