17 مئی ، 2023 
پاکستان
اسلام آباد کی ڈسٹرکٹ اینڈ سیشن کورٹس کے جوڈیشل مجسٹریٹ کی عدالت میں شیریں مزاری اور فلک ناز کو پیش کیا گیا/ فائل فوٹو
شیریں مزاری اور فلک ناز کیس سے ڈسچارج، گرفتار نہ کر نے کا حکم
17 مئی ، 2023
اسلام آباد کی عدالت نے پی ٹی آئی رہنما شیریں مزاری اور سینیٹر فلک ناز کو کیس سے ڈسچارج کردیا۔
اسلام آباد کی ڈسٹرکٹ اینڈ سیشن کورٹس کے جوڈیشل مجسٹریٹ کی عدالت میں شیریں مزاری اور فلک ناز کو پیش کیا گیا۔
پی ٹی آئی کی خواتین رہنماؤں کو تھانہ ترنول میں اقدام قتل اور اسلحہ لہرانے کی دفعات کے تحت درج مقدمے میں پیش کیا گیا۔
عدالت نے شیریں مزاری اور فلک ناز کو کیس سے ڈسچارج کرتے ہوئے انہیں گرفتار نہ کرنے کا حکم دیا۔
عدالت نے شیریں مزاری اور سینیٹر فلک ناز کے خلاف درج مقدمات کی تفصیل پیش کرنے کا حکم بھی دیا ہے۔
