17 مئی ، 2023 
پاکستان
مجھ سے بہت بڑی غلطی ہوئی، کرنل شیرخان کے مجسمے کی بیحرمتی کرنیوالے ملزم کا بیان
17 مئی ، 2023
مردان میں کیپٹن کرنل شیر خان شہید (نشان حیدر ) کے مجسمے کی بے حرمتی کے ملزم کو گرفتار کرلیا گیا۔
گزشتہ دنوں عمران خان کی گرفتاری کے بعد ملزم نے مردان میں مظاہرے کے دوران کیپٹن کرنل شیر خان شہید کے مجسمے کی بےحرمتی کی تھی۔
پولیس کے مطابق ملزم رحمت اللہ کو مردان سےگرفتار کرلیا گیا۔
گرفتاری کے بعد کیپٹن کرنل شیر خان شہیدکےمجسمہ کی بےحرمتی کرنےوالےملزم رحمت اللہ کا ویڈیو بیان سامنے آیا ہے۔
ملزم نے اعتراف جرم کرتے ہوئے کہا کہ 9 تاریخ کو ایوب گیٹ کے سامنے جلوس میں مجسمے کی بیحرمتی کی تھی، مجھ سے بہت بڑی غلطی ہوئی ہے۔
ان کا کہنا تھاکہ پاک آرمی ہمارا فخر ہے، ہمیں آرمی کی قدرکرنی چاہیے، مجھ سےغلطی ہوئی ہے۔
