18 مئی ، 2023 
پاکستان
تبت سینٹر کے قریب عمارت میں لگی آگ پرقابو پالیاگیا
18 مئی ، 2023
کراچی کے علاقے صدر میں تبت سینٹر کے قریب عمارت میں لگی آگ پرقابو پالیاگیا۔
کولنگ کا عمل جاری ہے، آگ بجھانے کی کوششوں میں 6 فائر ٹینڈرز اور اسنارکل نےحصہ لیا۔
کراچی صدر کے قریب ایم اے جناح روڈ پر رمپا پلازہ میں آتشزدگی کی اطلاع پر نصف درجن سے زائد فائر بریگیڈ اور فائرفائٹرز موقع پر پہنچ گئے تھے۔
موصول ہونے والی فوٹیج میں دیکھا جا سکتا ہے کہ گُل پلازہ کے اوپر سے رمپا پلازہ کی عمارت میں آگ کے شعلے بلند ہو رہے ہیں۔
رمپا پلازہ میں مختلف ڈاکٹرز کے کلینکس، مختلف کاروباری دفاتر اور نجی کمپنیوں کے دفاتر موجود ہیں۔
پولیس حکام کے مطابق آگ لگنے کی وجہ معلوم نہیں ہو سکی اور فوری طور پر کسی جانی نقصان کی اطلاع نہیں ملی۔
