21 مئی ، 2023 
نیشنل گیمز: پاک فوج نے 50 گولڈ سمیت 105 میڈلز حاصل کرلیے
21 مئی ، 2023
کوئٹہ میں جاری 34 ویں نیشنل گیمز میں پاکستان فوج کی بالادستی برقرار ہے، آرمی کے ایتھلیٹس نے ایونٹ میں 50 گولڈ میڈلز سمیت 105 میڈلز حاصل کرلیے۔
34 ویں نیشنل گیمز کے مقابلوں میں آرمی کے ایتھلیٹس نے 33 سلور اور 22 برانز میڈلز بھی حاصل کئے ہیں۔
نیشنل گیمز میں واپڈا میڈلز ٹیبل پر دوسرے نمبر پر ہے جس نے اب تک 25 گولڈ، 18 سلور اور 20 برانز میڈلز جیتے ہیں جبکہ نیوی کے کھلاڑیوں نے اب تک 21 گولڈ میڈلز اپنے نام کئے ہیں۔
پاکستان ائیر فورس نے 3 جبکہ پولیس، خیبر پختونخوا اور ایچ ای سی نے ایک ایک گولڈ میڈل جیتا۔
پنجاب نے تین سلور اور دس برانز جب کہ بلوچستان نے تین سلور 7 برانز میڈل جیتے جبکہ سندھ کے حصے میں اب تک ایک سلور میڈل اور آٹھ برانز میڈل آئے ہیں۔
34 ویں نیشنل گیمز میں متعدد کھیلوں کے مقابلے مکمل ہوچکے ہیں تاہم گیمز کی باضابطہ افتتاحی تقریب پیر کو منعقد کی جائے گی۔
