ہنگوپولیس کی کامیاب کارروائی: کالعدم ٹی ٹی پی کا مبینہ سہولت کار گرفتار

ہنگوپولیس کی کامیاب کارروائی  میں کالعدم  تحریک طالبان پاکستان (ٹی ٹی پی) کا مبینہ سہولت کار سعداللہ خان گرفتار کر لیا گیا، اس کے سر کی قیمت 20 لاکھ روپے مقرر تھی۔

ہنگو پولیس نے مبینہ دہشت گرد اور ٹی ٹی پی کے سہولت  کار سعداللہ کو نریاب زرگیری روڈ پر اسپیشل ناکہ بندی کے دوران گرفتار کیا۔

کالعدم ٹی ٹی پی کا اہم شخصیات کو نشانہ بنانے کے منصوبے کا انکشاف

جماعت الاحرارکے سرغنہ رفیع اللہ کی زیرنگرانی 2خودکش حملہ آوروں پر مشتمل گروپ پنجاب میں داخل ہوچکا، 9 مئی کے فسادات کو کالعدم ٹی ٹی پی کے سرغنہ سربکف مہمند نے بیان میں سراہا اورشرپسندوں کی پذیرائی بھی کی

اس حوالے سے ڈسٹرکٹ پولیس آفیسر ہنگو آصف بہادر نے پریس کانفرنس کرتے ہوئے کہا کہ گرفتار ملزم اشتہاری ہے اور کالعدم ٹی ٹی پی کو فنڈنگ فراہم کرنے میں ملوث تھا۔

انہوں نے بتایا کہ حکومت کی جانب سے گرفتار سعداللہ کی سر کی قیمت 20لاکھ روپے مقرر کی گئی  تھی، گرفتار اشتہاری سعداللہ کا تعلق اپر اورکزئی سے ہے۔