انٹر بینک اور اوپن مارکیٹ میں ڈالر کی قیمت کا فرق سوا 23 روپے تک پہنچ گیا

انٹربینک میں ڈالر کا بھاؤ کم ہوا ہے جبکہ اوپن مارکیٹ میں قدر مستحکم  رہی۔ دو تبادلہ منڈیوں کا ڈالر کے ریٹ کا فرق سوا 23 روپے ہوگیا ہے۔

انٹربینک تبادلہ مارکیٹ میں کاروبار کے اختتام پر امریکی ڈالر کا بھاؤ ایک روپیہ 39 پیسے کم ہوکر 285 روپے 74 پیسے ہے۔

انٹربینک میں گذشتہ روز ڈالر کا بھاؤ 287 روپے 13 پیسے تھا۔

ادھر  اوپن مارکیٹ میں ڈالر کا بھاؤ 309 روپے پر برقرار ہے۔ ملک کی دو تبادلہ منڈیوں میں ڈالر  کے بھاؤ کا فرق گذشتہ روز تقریباً پونے 22 روپے تھا جو انٹربینک میں ڈالر کا بھاؤ کم ہونے سے بڑھ کر سوا 23 روپے ہوگیا ہے۔