کے ایم سی: جماعت اسلامی کے تحت مخصوص نشست پر خواجہ سرا چاندنی کے کاغذات نامزدگی منظور

کراچی میونسپل کارپوریشن کیلئے جماعت اسلامی کی جانب سے خواجہ سرا چاندنی شاہ کے کاغذات نامزدگی منظور ہوگئے۔

خواجہ سرا چاندنی شاہ نے جماعت اسلامی  کی جانب سے کاغذات نامزدگی جمع کروائے تھے، اسکروٹنی کے عمل کے بعد ان کے کاغذات منظور ہوگئے ۔

اس موقع پر چاندنی شاہ کا کہنا تھا کہ جماعت اسلامی کی شکر گزار ہوں جس نے ایوان میں جانے کا موقع دیا، ایوان میں جاکر سب سے پہلے شہر کی سڑکوں اور ناکارہ سیورج سسٹم کی نشاندہی کروں گی۔

ان کا کہنا تھا کہ ایوان میں دیگر اراکین کی طرح ہماری بھی بات سنی جائے گی۔

خواجہ سراء شہزادی رائے نے کراچی میونسپل کارپوریشن کیلئے کاغذات نامزدگی جمع کروا دیے

شہزادی رائے نے مخصوص نشست پر پاکستان پیپلزپارٹی کی جانب سے کاغذات جمع کروائے

دوسری جانب جناح ٹاؤن سے خواجہ سرا کی مخصوص نشست پر جماعت اسلامی کے امیدوار محمد عمران کے کاغذات مسترد ہوگئے۔

ڈی سی کے مطابق محمد عمران ثابت نہ کرسکے کہ وہ خواجہ سرا ہیں جس کی وجہ سے ان کے کاغذات مسترد ہوگئے۔