01 جون ، 2023 
پاکستان
اسد قیصر کے ترجمان نے بتایا کہ اسد قیصر اور پرویز خٹک صبح 11 بجےکسی سے ملنے نامعلوم مقام پر گئے تھے— فوٹو: فائل
اسد قیصر اور پرویز خٹک سے رابطہ نہیں ہو رہا : ترجمان
01 جون ، 2023
اسلام آباد : پاکستان تحریک انصاف (پی ٹی آئی) کے رہنما اسد قیصر کے ترجمان کا کہنا ہے کہ ان کا اسد قیصر اور پرویز خٹک سے رابطہ نہیں ہو رہا۔
اسد قیصر کے ترجمان نے بتایا کہ اسد قیصر اور پرویز خٹک صبح 11 بجےکسی سے ملنے نامعلوم مقام پر گئے تھے۔
خیبرپختونخوا پولیس نے پرویز خٹک اور اسد قیصر کی گرفتاری سے لاعلمی کا اظہار کرتے ہوئے کہا ہے کہ کے پی پولیس نے اسد قیصریا پرویز خٹک کو گرفتار نہیں کیا۔
یاد رہے کہ چند روز قبل عمران خان کی جانب سے حکومت سے مذاکرات کیلئے 7 رکنی کمیٹی کا اعلان کیا گیا تھا جس میں شاہ محمود قریشی، پرویز خٹک، اسد قیصر، حلیم عادل شیخ، عون عباس، مراد سعید اور حماد اظہر کے نام شامل تھے۔
