02 جون ، 2023 
ایشیا کپ میں بھارتی ہٹ دھرمی: کیا پاکستان کے بجائے میزبان سری لنکا ہوگا؟
02 جون ، 2023
بھارت کی ہٹ دھرمی کے پیش نظر ایشیا کپ کا میزبان پاکستان کے بجائے سری لنکا ہوسکتا ہے۔
ایشین کرکٹ کونسل (اے سی سی) کی جانب سے ایشیا کپ 2023 کی میزبانی پاکستان کو دی گئی ہے لیکن بھارت کے پاکستان آنے سے انکار کے سبب پاکستان میں ایشیا کپ کا انعقاد خطرے میں پڑتا دکھائی دے رہا ہے۔
بھارتی کرکٹ بورڈ ( بی سی سی آئی ) اس بات پر بضد ہے کہ ایونٹ کا انعقاد پاکستان کے بجائے نیوٹرل وینیو پر ہو لیکن پاکستان ایشیا کپ کے ایونٹ کو پاکستان میں کروانے کا ہی خواہشمند ہے اس کے پیچھے ملک میں بین الاقوامی کرکٹ کی واپسی جیسے عوامل کا متاثر ہونا کارفرما ہے۔
سری لنکن کرکٹ بورڈ کے ایک اعلیٰ عہدیدار نے کرک بز کو بتایا کہ ’سری لنکا مختصر نوٹس پر ایشیا کپ کی میزبانی کے لیے تیار ہے، فیصلہ اب اے سی سی پر منحصر ہے‘۔
واضح رہے کہ آئی سی سی عہدیداروں کے دورے کے دوران پی سی بی نے آئی سی سی کو واضح کیا ہے کہ بھارت جاکر ورلڈکپ کھیلنے کا انحصارایشیا کپ کی صورتحال پر ہے، اگر بھارت نے کوئی لچک دکھائی اور پاکستان کے فارمولے پر بات کی تو مستقبل کا فیصلہ ہوگا۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
