محکمہ بلدیات سندھ کا پراپرٹی ٹیکس نہ دینے والوں کے خلاف کریک ڈاؤن کا اعلان

سندھ کے محکمہ بلدیات نے پراپرٹی ٹیکس ادا نہ کرنے والوں کے خلاف کریک ڈاؤن شروع کرنے کا اعلان کردیا۔

سیکرٹری بلدیات نجم شاہ کے مطابق تیس جون تک پراپرٹی ٹیکس ادا نہ کرنے پر جائیداد ضبطی اور نیلامی بھی عمل میں لائی جاسکتی ہے۔

انہوں نے کہا کہ چھ سو اسکوائرفٹ کے فلیٹس اور ایک سو بیس گز تک کے مکانوں کو پراپرٹی ٹیکس سے استثنیٰ حاصل ہے۔

سکریٹری بلدیات نجم شاہ کا کہنا تھا کہ رہائشی مکانوں پر ٹیکس استثنیٰ صرف مالک کے اپنے ذاتی استعمال میں ہونے پر ہوگا، کرائے پر دی گئی ہر سائز کی جائیداد پر پراپرٹی ٹیکس لاگو ہوگا۔