02 جون ، 2023 
پاکستان
غیرمجازسابق وزیراعلیٰ، سابق وزرا اور سابق ارکان اسمبلی سے گاڑیاں فوری واپس لی جائیں، محکمہ ایکسائز نے ڈی جی ایکسائز کو خط لکھ دیا— فوٹو:فائل
کے پی کے سابق وزیراعلیٰ اور سابق وزرا کے پاس محکمہ ایکسائز کی گاڑیوں کا انکشاف
02 جون ، 2023
خیبرپختونخوا کے سابق وزیراعلیٰ محمودخان، اسپیکرمشتاق غنی، سابق ڈپٹی اسپیکر محمود جان، سابق صوبائی وزرا، سینیٹرز اور سابق ارکان اسمبلی کے پاس محکمہ ایکسائز کی گاڑیاں ہونے کا انکشاف ہوا ہے۔
خیبرپختونخوا کے محکمہ ایکسائز نے ڈی جی ایکسائز کو گاڑیوں کی جلد واپسی یقینی بنانے سے متعلق عمل درآمد کیلئے خط ارسال کیا ہے۔
خط میں کہا گیا ہے کہ محکمہ ایکسائز کی گاڑیاں سینیٹرز، سابق صوبائی وزرا و سابق ارکان اسمبلی کے پاس اب تک موجود ہیں لہٰذا ان سے گاڑیاں فوری طور پر واپس لی جائیں۔
محکمہ ایکسائز کے مطابق سابق وزرا غیرمجازافراد میں شامل ہیں یہ محکمے کی گاڑیاں نہیں رکھ سکتے۔
