07 جون ، 2023 
واٹس ایپ نے 'تصاویر' کیلئے 2 حیرت انگیز فیچرز پیش کردیے، استعمال کا طریقہ جانیں
07 جون ، 2023
واٹس ایپ نے اپنے صارفین کی آسانی کے لیے مزید دو فیچرز پیش کردیے جس سے کئی افراد کی مشکل آسان ہوجائے گی۔
واٹس ایپ بیٹا انفو کی رپورٹ کے مطابق پیغام رسانی کی ایپلی کیشن واٹس ایپ کی جانب سے ڈیسک ٹاپ ورژن استعمال کرنے والی صارفین کے لیے 'کراپ ٹول' متعارف کرایا گیا ہے جس کے تحت اب بھیجی جانے والی تصاویر کو کراپ کیا جاسکے گا۔
یہ سہولت پہلے اینڈرائیڈ اور آئی او ایس صارفین کو میسر تھی تاہم اب اسے ویب کے ورژن کے لیے بھی پیش کردیا گیا ہے۔
اس حوالے سے واٹس ایپ بیٹا انفو نے اسکرین شاٹ بھی جاری کیا ہے جس سے یہ فیچر سمجھنے میں مزید آسانی ہوگی۔
استعمال کا طریقہ:
جب صارف کوئی بھی تصویر کسی چیٹ میں بھیجنے کے لیے سلیکٹ کرے گا تو اس کے پاس تصویر میں دکھائے گئے آپشنز نظر آئیں گے، ان ہی میں سے ایک آپشن کراپ کا بھی ہوگا۔
صارف اپنی مرضی کے مطابق تصویر میں ایڈیٹنگ کرکے بھیج سکے گا۔
دوسرا فیچر
واٹس ایپ نے اینڈرائیڈ اور آئی او ایس کے صارفین کے لیے 'ایچ ڈی فوٹوز' کا فیچر متعارف کرادیا ہے۔
اس فیچر کے تحت صارفین کے واٹس ایپ پر بھیجی اور موصول کی جانے والی تصاویر کی کوالٹی مزید بہتر ہوجائے گی۔
استعمال کا طریقہ:
اینڈرائیڈ اور آئی او ایس کا اپ ڈیٹڈ ورژن انسٹال کرنے کے بعد صارفین اس سہولت سے مستفید ہوسکیں گے۔
تصویر بھیجتے ہوئے فوٹو کوالٹی کا آپشن آئے گا جس میں آپ ایچ ڈی کا انتخاب کریں گے۔
اس کے بعد کوئی بھی بھیجی جانے والی تصویر کی کوالٹی بہترین یعنی ایچ ڈی ہوگی۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
