پنجاب کے کئی حلقوں میں ن لیگ ترین گروپ کیساتھ سیٹ ایڈجسٹمنٹ کرے گی، عطا تارڑ

وزیر اعظم کے معاونِ خصوصی عطا تارڑ نے انکشاف کیا ہے کہ پنجاب کے کئی حلقوں میں ن لیگ ترین گروپ کے ساتھ سیٹ ایڈجسٹمنٹ کرے گی، مشترکہ امیدوار لائے جانے کا بھی امکان ہے۔

مسلم لیگ ن کے رہنما عطا تارڑ نے اپنے ایک بیان میں کہا کہ ترین گروپ اور ن لیگ کے اچھے تعلقات ہیں ، ساہیوال سے ترین گروپ کے نعمان لنگڑیال، فیصل آباد سے اجمل چیمہ اور جھنگ سے فیصل جبوانہ سمیت ترین گروپ کے تمام ہی لوگ ن لیگ سے بھی رابطے میں ہیں۔

انہوں نے کہا کہ امید ہے دونوں جماعتیں ساتھ ساتھ چلیں گی،  انتخابی اتحاد کا حتمی فیصلہ پارٹی قیادت کرے گی ۔

جہانگیر ترین نے نئی سیاسی جماعت ’استحکام پاکستان پارٹی‘ کے قیام کا باضابطہ اعلان کردیا

9 مئی کے منصوبہ سازوں کو انجام تک نہ پہنچایا تو سیاسی مخالفین کےگھروں پر حملے بھی جائز سمجھے جائینگے، ترین، ایسا پاکستان بنانا ہے جس میں پارلیمان، عدلیہ اور اسٹیبلشمنٹ ایک پیج پر ہوں: علیم خان

واضح رہے کہ سینیئر سیاستدان جہانگیر ترین نے اپنی سیاسی جماعت ’استحکام پاکستان پارٹی‘ کے قیام کا باضابطہ اعلان کردیا ہے۔

جہانگیر ترین نے لاہور میں پریس کانفرنس سے خطاب میں نئی سیاسی جماعت ’استحکام پاکستان پارٹی‘ کا باضابطہ اعلان کیا۔ اس موقع پر علیم خان نے کہا کہ ہم سب اکھٹے ہو کر جہانگیر ترین کی قیادت میں اس جدوجہد میں حصہ ڈالیں گے۔