12 جون ، 2023 
یو اے ای میں عید الاضحیٰ کی تعطیلات کا اعلان
12 جون ، 2023
متحدہ عرب امارات میں عید الاضحیٰ کی سرکاری تعطیلات کا اعلان کردیا گیا۔
اماراتی نیوز ایجنسی کی رپورٹ کے مطابق امارات کی وفاقی اتھارٹی برائے سرکاری انسانی وسائل (FAHR) نے اتوار کے روز ایک سرکلر جاری کیا جس میں عید الاضحیٰ کی سرکاری تعطیلات سے متعلق اعلان کیا گیا۔
امارات میں وفاقی وزارتوں اور اداروں کے لیے یوم عرفات اور عیدالاضحیٰ کی چھٹیاں 9 سے 12 ذی الحجہ تک ہوں گی۔
اس کا مطلب یہ ہے کہ سرکاری ملازمین ہفتہ اور اتوار کے علاوہ منگل 27 جون سے جمعہ 30 جون تک طویل تعطیلات کا لطف اٹھائیں گے تاہم عید کی چھٹیوں کے حوالے سے جاری کیا گیا بیان سرکاری اور نجی اداروں کے لیے منظور شدہ تعطیلات پر مبنی ہے۔
دوسری جانب وفاقی ادارے نے حکومت، عوام اور ریاست میں مقیم غیرملکیوں سمیت تمام امت مسلمہ کو وقوف عرفہ اور عید الاضحیٰ کی مبارکباد پیش کی ہے۔
واضح رہے کہ امکان ہے سعودی عرب میں حج کا آغاز 26 جون سے ہوگا جس کے لیے دنیا بھر سے عازمیں آئیں گے۔
عالمی فلکیات مرکز کے ماہرین نے عید الاضحیٰ کی تاریخ سے متعلق کیا پیشگوئی کی؟
عالمی فلکیاتی مرکز کے ماہرین نے پاکستان سمیت دنیا کے بیشتر ممالک میں عید الاضحیٰ کی تاریخ سے متعلق کہا ہے کہ متعدد عالم اسلام میں عید الاضحیٰ 28 جون کو نہیں ہوگی۔
امکان ہے کہ متحدہ عرب امارات سمیت خلیجی ممالک میں عید الاضحیٰ 28 جون کو ہوگی۔
جب کہ ماہرینِ عالمی فلکیاتی ادارے کے مطابق پاکستان میں یہ عید 29 جون کو منائے جانے کا امکان ہے۔
مزید خبریں :
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
نائجیریا: اسکول کے میلے میں بھگدڑ مچنے سے 35 بچے جاں بحق
19 دسمبر ، 2024
