12 جون ، 2023 
ویڈیو: حج سیزن میں غلاف کعبہ اونچاکیوں کردیا جاتا ہے؟
12 جون ، 2023
حج سیزن کی روایت کو پیش نظر رکھتے ہوئےخانہ کعبہ کے غلاف کو 3 میٹر اونچا کردیا گیا ہے۔
سعودی خبر رساں ادارے کے مطابق احتیاطی تدابیر کو پیش نظر رکھتے ہوئے جمعہ کے روز غلاف کعبہ کو 3 میٹر اونچا کردیا گیا ہے اور خانہ کعبہ کے نچلے حصے کو 2 میٹر سفید کپڑے سے چاروں اطراف سے ڈھانپ دیا گیا ہے۔
غلاف کعبہ کو ہر سال اونچا کرنے کی وجہ کیا ہے؟
احتیاطی تدابیر کے پیش نظر خانہ کعبہ کے غلاف کو ہر سال رمضان اور حج سیزن میں اونچا کردیا جاتا ہے۔
اس حوالے سے انڈیپینڈنٹ اردو کی ایک رپورٹ کے مطابق حرمین شریفین انتظامیہ کا کہنا ہے کہ خانہ کعبہ میں آنے والے حاجی غلاف کعبہ کو ہاتھ لگانے اور اسے چومنے کے خواہش مند ہوتے ہیں جس کی وجہ سے یہ غلاف کعبہ میلاہوجاتا ہے یا پھر کئی لوگ غلاف کعبہ کو ساتھ لے جانے کیلئے بلیڈ یا چھری سے کاٹ لیتے ہیں لہٰذا انتظامیہ کی جانب سے ہر سال خانہ کعبہ کے غلاف کو اونچا کردیا جاتا ہے۔
غلاف کعبہ کو اونچا کرنے کی تقریب میں کون اہم شخصیات شریک ہوئیں؟
غلاف کعبہ کے نچلے حصے کی تبدیلی کی تقریب میں امام کعبہ شیخ عبدالسدیس اپنی ٹیم کے ہمراہ شریک ہوئے۔
ہر سال 9 ذی الحج کو غلاف کعبہ تبدیل کیا جاتا تھا لیکن 2022 میں ماہ محرم کے پہلے روز غلاف کعبہ کو تبدیل کردیا گیا۔
خانہ کعبہ کا غلاف کتنے کلو گرام سونا چاندی کے ساتھ تیار کیا جاتاہے؟
خانہ کعبہ کاغلاف 670 کلو گرام اصلی اور سیاہ ریشم کے ساتھ تیار کیا جاتا ہے، غلاف کعبہ کی تیاری کیلئے 120 کلو گرام سونا اور 100 کلو گرام چاندی کے ورق استعمال کیے جاتے ہیں جب کہ غلاف کعبہ کی پٹی 6 حصوں پر مشتمل ہوتا ہے ۔
مزید خبریں :
تُلسی گبارڈ امریکی نیشنل انٹیلی جنس ڈائریکٹر بن گئیں
2 گھنٹے پہلے
ترکیہ میں 2024 سیاحت کیلئے کامیاب ترین سال، آمدن کیا رہی؟
12 فروری ، 2025
