وٹامن ڈی کا حصول کن غذاؤں سے ممکن ہے؟

وٹامن ڈی ایک ایسا جز ہے جو ہماری صحت اور مدافعتی نظام کے لیے انتہائی اہم ہوتا ہے۔

وٹامن ڈی سے ہڈیاں مضبوط ہوتی ہیں، ذہنی صحت بہتر ہوتی ہے جبکہ اچھی نیند کا حصول آسان ہو جاتا ہے۔

مگر دنیا بھر میں کروڑوں افراد وٹامن ڈی کی کمی کے شکار ہوتے ہیں۔

ایک تخمینے کے مطابق دنیا بھر میں ایک ارب افراد وٹامن ڈی کی کمی کا سامنا کررہے ہیں۔

وٹامن ڈی کی کمی کی نشانیاں اور علامات جانتے ہیں؟

یہ وٹامن ہڈیوں کی صحت اور جسم کے متعدد دیگر افعال کے لیے بہت اہم ہوتا ہے۔

وٹامن ڈی کی کمی کی متعدد نشانیاں اور علامات ہوتی ہیں جو عموماً بتدریج ظاہر ہوتی ہیں۔

ویسے تو سورج کی روشنی سے جسم کے لیے وٹامن ڈی کا حصول ممکن ہوتا ہے مگر اسے غذا کے ذریعے بھی حاصل کیا جا سکتا ہے۔

خیال رہے کہ سپلیمنٹ کی شکل میں بھی وٹامن ڈی کو جسم کا حصہ بنایا جا سکتا ہے مگر ایسا ڈاکٹر کے مشورے سے کرنا چاہیے، خود سے کوئی فیصلہ مت کریں۔

تو صحت کے لیے اس بہترین وٹامن کے حصول میں مدد فراہم کرنے والی غذاؤں کے بارے میں جانیں۔

مچھلی

مچھلی خاص طور پر چربی والی مچھلی میں وٹامن ڈی کی مقدار کافی زیادہ ہوتی ہے۔

انڈوں کی زردی

انڈوں کی زردی میں وٹامن ڈی کی مقدار کافی زیادہ ہوتی ہے، خاص طور پر دیسی انڈوں کی زردی میں۔

گائے کی کلیجی

گائے کی کلیجی میں بھی وٹامن ڈی کی مقدار کافی زیادہ ہوتی ہے۔

دہی

دہی بھی وٹامن ڈی کے حصول کا اچھا ذریعہ ہے۔

اورنج جوس

فورٹیفائیڈ اورنج جوس میں وٹامن ڈی کی مناسب مقدار ہوتی ہے۔

دودھ (فورٹیفائیڈ ملک)

گائے کے دودھ میں قدرتی طور پر متعدد قدرتی اجزا شامل ہوتے ہیں جن میں وٹامن ڈی بھی شامل ہے، مگر یہ مقدار کافی کم ہوتی ہے۔

اسی لیے فورٹیفائیڈ ملک کا استعمال وٹامن ڈی کے حصول کے لیے زیادہ بہتر ہوتا ہے۔

اس سے ہٹ کر مشرومز، سویا ملک اور فورٹیفائیڈ Breakfast Cereals  میں بھی وٹامن ڈی موجود ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔